B.G. Deshmukh

About Author

भालचंद्र देशमुख हे बी. जी. देशमुख या लोकप्रिय नावाने ओळखले जातात. १९५१ साली त्यावेळच्या मुंबई इलाख्यातून स्पर्धा परीक्षा उत्तीर्ण होऊन ते आय.ए.एस. बनले. महाराष्ट्र आणि गुजराथमध्ये त्यांनी विविध पदांवरती कामे केली. महाराष्ट्राचे मुख्यमंत्री वसंतराव नाईक यांचे ते विशेष सचिव होते. नंतर ते मुंबई महापालिकेचे आयुक्त बनले. राजीव गांधी यांनी त्यांना १९८६मध्ये दिल्लीला बोलावून घेतले आणि मंत्रिमंडळ सचिव (कॅबिनेट सेक्रेटरी) या प्रशासनातील सर्वोच्च पदावर नेमणूक केली. १९८९मध्ये राजीव गांधी यांनी त्यांना आपले मुख्य सचिव (प्रिन्सिपल सेक्रेटरी) म्हणून नेमले. राजीव गांधी यांच्यानंतर व्ही. पी. सिंग व चंद्रशेखर हे पंतप्रधान झाले. परंतु त्यांनीही देशमुख यांना मुख्य सचिव पदावर ठेवून त्यांच्या सेवेचा मान वाढविला. मुंबईतील टाटा इन्स्टिट्यूट ऑफ सोशल सायन्सेस ह्या संस्थेच्या कार्यकारी मंडळावरती ते होते. बॉम्बे नॅचरल हिस्ट्री सोसायटी , जनवाणी , एमसीसीआयए या संस्थांचे अध्यक्षस्थानही त्यांनी भूषविले. छत्रपती शिवाजीमहाराज वस्तूसंग्रहालय , केईएम हॉस्पिटल आणि मोहल्ला चळवळ समिती ट्रस्ट अशा विविध सामाजिक संस्थांचे अध्यक्ष व विश्वस्त म्हणूनही त्यांनी काम केले होते.
Sort by
Show per page
Items 1 to 1 of 1 total
PUNE TE PANTAPRADHANANCHE KARYALAYA Rating Star
Add To Cart INR 400

Latest Reviews

VAISHAKH
VAISHAKH by RANJEET DESAI Rating Star
ANGHA ATUL KILLEDAR

रणजित देसाईंच्या अगदी सुरवातीच्या काळातला हा कथासंग्रह. ग्रामीण बाजाच्या या कथा रणजित देसाईंची भाषेवरची आणि माणसे निरखण्याची शैली दाखवतात. सर्व कथा वाचनीय. शाळेत असतानाच्या मे महिन्याच्या सुट्ट्या आठवल्या. हा कथासंग्रहसुद्धा तसाच हपापल्या सारखावाचून काढला. ...Read more

ANANDTARANG
ANANDTARANG by GRECHEN RUBIN Rating Star
DAINIK LOKMAT 15-09-2019

परिवर्तनाची बारा महिने... माणसाला मिळालेल्या आयुष्याला प्रवाहीपणे वरदान लाभले आहे. परंतु, कधी कधी माणूस एखाद्या चक्रव्यूहात अडकत जातो. एव्हाना त्याच्या आयुष्यात आनंद, समाधान, सुख, शांतता हे शब्द त्याला निरर्थक वाटू लागतात. ग्रेचेन रुबिनला पण आयुष्या्या एका विशिष्ट टप्प्यावरती अनपेक्षितपणे वेळेचे महत्त्व अधोरेखित होते आणि तिथून पुढे सुरू होतो त्याच्या आनंदाचा नवा शोध. त्याच परिवर्तनाच्या नांदीला हाताशी ती एक वर्ष हॅपीनेस प्रोजेक्टली वाहून घेते. आनंदी कसे व्हावे याविषयी उपजत आलेले शहाणपण, युगानुयुगाचे संशोधन आणि माहिती यांच्या आधारे तंत्रशुद्ध शिक्षण घेते. हा तिचा बारा महिन्यांचा प्रवास म्हणजे नेमकं काय आहे. त्यात तिने कोणते कोणते प्रयोग केले त्याची रोचक कहाणी म्हणजे आनंदतरंग हे पुस्तक. ...Read more