Cart
0 item(s)

Warren Buffetchya Yashache 50 Mantra by Atul Kahate

* Front & back cover images are for illustration purposes only and the price of book is sold separately.
Quantity
Everyone is quite curious about Warren Buffet, the greatest investor of all times. In spite of not taking up traditional employment or engaging into any business, Buffet has become the world`s second richest person, operating with complete honesty and straightforwardness. Naturally, every person can learn a lot from him. There are many people who hope to make money by investing while sitting at home. Apart from this, almost everyone working or running one`s business hopes to be rich. Naturally, every person that hopes to benefit from Buffet`s wisdom and intelligence can learn quite a lot from this book. The book attempts to demystify 50 of Buffet`s famous quotes with detailed analysis. These are very witty and they also teach everyone something unique.
वॉरन बफे या जगप्रसिद्ध गुंतवणूकदारानं, सर्वसामान्य गुंतवणूकदारांनी शेअर बाजाराचं गूढ सहजपणे उलगडून त्यात मोठी झेप कशी घ्यायची, यासाठीचं मार्गदर्शन केलं आहे. मुख्य म्हणजे अगदी मजेशीर आणि कुणालाही समजेल अशा भाषेमधल्या दिलखुलास विधानांच्या आधारे त्यानं हे साधलं आहे. बफेच्या या विधानांना `मंत्र` असं इथं म्हटलं आहे. याचं कारण म्हणजे त्याचं प्रत्येक विधान खूप विचारांमधून, अनुभवांमधून आणि यश-अपयश यांच्या हिंदोळ्यांवर तरंगल्यानंतर तयार झालेलं आहे. यांमधील नेमकी ५० विधानं निवडण्याचा प्रयत्न इथं केला आहे. महत्त्वाची गोष्ट म्हणजे या ५० विधानांचा इथं नुसता उल्लेख नाही, तर प्रत्येक विधानामध्ये दडलेला बपेâचा विचार आणि काही वेळा खोडसाळपणा उलगडून दाखवण्याचा प्रयत्न करण्यात आलेला आहे. एवूâणच वॉरन बफेनं गुंतवणुकीच्या विश्वाला `ग्लॅमर` मिळवून दिलं, हे इथं आवर्जून सांगितलं पाहिजे. ‘गुंतवणूक म्हणजे जुगार नसून, नीट अभ्यास करून शांतपणे दीर्घ मुदतीसाठी गुंतवणूक करणाऱ्या माणसाला शेअर बाजारात यश मिळतंच,’ असा आत्मविश्वास त्यानं दिला आहे. अगदी छोट्या रकमांच्या गुंतवणुकीतूनसुद्धा अवाक करून सोडणारं यश गुंतवणूकदार शेअर बाजारात मिळवू शकतात. शेअर बाजार आणि गुंतवणूक यांच्याविषयी गैरसमजच जास्त पसरले आहेत. शेअर बाजाराविषयीची ही नकारात्मक मानसिकता काही अंशी मोडून काढण्यासाठी तरी अशा पुस्तकांचा उपयोग होईल.
Keywords WARREN BUFFET, INVESTING, STOCK MARKET, SHARE MARKET, STOCK, SHARE, SUCCESS, HOW TO BE SUCCESSFUL, PROFIT, RETURNS, PATIENCE IN INVESTING, GREAT INVESTOR, INVESTING WISDOM, LOSS, MARKET, WALL STREET, FORECASTING, STOCK PRICE, ACCOUNTING, GREED, FEAR, INTEREST RATE, ECONOMICS, FINANCE, EARNING, LOSS.
Customer Reviews
  • Rating StarRohit Pawar

    खूप छान पुस्तक आहे .अतिशय कमी शब्दात बफे यांच्या संपूर्ण जीवनाची मांडणी केली आहे आणि खास करून त्यांनी दिलेली सोपी आणि स्पष्ट अशी गुंतवणुकीची सूत्रे आपण ह्या पुस्तकात दिलेली आहेत .

  • Rating StarDAINIK LOKMAT 23-07-2017

    वॉरन बफे हे नाव माहीत नाही, असा कोणी नसेल. विशेषत: गुंतवणुकीच्या क्षेत्रातला हा बादशहा. सर्वश्रेष्ठ गुंतवणूकदार म्हणून त्यांच्याकडे पाहिले जाते. कुठलीही नोकरी वा कुठलाही व्यवसाय न करता न्याय्य मार्गाने अब्जाधीश होण्याची कमाल त्याने करून दाखवली. त्याचयाकडून गुंतवणुकीचे मार्ग खरोखर शिकायला हवेत. या विषयावरच आधारित माहिती या पुस्तकात देण्यात आलेली आहे. विलक्षण बुद्धिमत्तेची झलक यातून निश्चितपणे मिळते. ...Read more

  • Rating StarVyapari Mitra -April 2017

    वॉरन बफे या जगप्रसिद्ध गुंतवणूकदाराने गुंतवणुकीच्या संदर्भातल्या अत्यंत मार्मिक विधानांचा-मार्गदर्शनाचा लाभ सर्वसामान्य माणसाने घेऊन त्यातून अनेक गोष्टी शिकाव्यात अशी मनोहारी विधाने केली आहेत. त्यातील निवडक व महत्त्वाची अशी ५० विधाने व त्यावरील भाष्यया पुस्तकात अत्यंत नेमकेपणाने मांडले आहे. या विधानाची पुढील ५ भागांत मांडणी केली आहे: १) गुंतवणुकीविषयी २) उद्योग आणि उद्योजक ३) गुंतवणूक सल्लागार तज्ज्ञ ४) गुंतवणुकीविषयी विविध मते ५) अनुभवाचे बोल. प्रत्येक विभागात १० मंत्र व भाष्य दिले आहे. वॉरन बफे ही जगातली श्रीमंत व्यक्ती असून प्रत्येक माणसाला त्यांच्याकडून खूप काही शिकण्यासारखे आहे. घरबसल्या गुंतवणूक करून कमाई करण्याची आशा बाळगणा-या माणसापासून निरनिराळ्या व्यावसायिक-नोकरदारांपर्यंत प्रत्येकाला बफे यांच्या विलक्षण बुद्धिमत्तेची आणि जगावेगळ्या दृष्टिकोनाची ओळख करून देण्यासाठी हे पुस्तक निश्चितच उपयुक्त आहे. त्यांच्या गाजलेल्या ५० विधानांची सोप्या मराठी भाषेत ओळख करून देण्याचा हा प्रयत्न वाचकांना निश्चितच आवडेल. पुस्तकाचे लेखक अतुल कहाते एमबीए असून माहिती तंत्रज्ञान क्षेत्रात त्यांना १६ वर्षे अनुभव आहे. टाटा मॅकग्रॉ हिल आणि पियरसनतर्फे भारतात आणि जगभरातही वापरली जाणारी कॉम्प्युटरविषयीची २० पाठ्यपुस्तके, क्रिकेट विषयी वयाच्या १२व्या वर्षापासून लेखन, विविध मराठी वृत्तपत्रे/मासिकातून ४००० पेक्षा जास्त लेख प्रकाशित तसेच विविध टीव्ही चॅनेल्सवर तंत्रज्ञानविषयी अनेक कार्यक्रम तसेच मराठीत ५ पुस्तके प्रकाशित केली आहेत. अशा या अभ्यासू लेखकाने लिहिलेले वरील पुस्तक निश्चितच वाचकांना आवडेल. ...Read more

  • Rating StarDAINIK LOKMAT 5-3-2017

    लेखक अतुल कहाते यांनी ‘वॉरन बफे’ या जगप्रसिद्ध गुंतवणूकदाराने मिळविलेल्या अफाट यशाची आणि त्याच्या वैयक्तिक आयुष्याची ओळख त्याच्या व्यक्तिचरित्रातून मराठी वाचकांना करुन दिली आहे. बफेच्या चरित्राचे आणखी वेगळे पैलू ‘वॉरन बफेच्या यशाचे ५० मंत्र’ पुस्तकातन वाचकांना उमजतील. एक-दोन वाक्यांमध्ये त्याने आपल्या गुंतवणुकीच्या यशाचे सार अनेकदा सांगितले आहे. तसेच सर्वसामान्य गुंतवणूकदारांनी शेअरबाजाराचे गूढ सहजपणे उलगडून त्यात मोठी झेप कशी घ्यायची, यासाठीचे मार्गदर्शनही केले आहे. प्रत्येक विधानामध्ये दडलेला बफेचा विचार आणि काही वेळा खोडसाळपणा उलगडून दाखविण्याचा प्रयत्न पुस्तकात करण्यात आलेला आहे. ...Read more

  • Read more reviews
Write Your Own Review
  • Default typing language is Marathi. To type in English press Ctrl+G key combination
Submit Review

Latest Reviews

Mahamanav Sardar Patel
Mahamanav Sardar Patel by Dinkar Joshi Rating Star
रसिक साहित्य जानेवारी, २०१८

सरदार पटेलांचं अभ्यासपूर्ण स्मरण गुजराथी भाषेत चरित्रांची संख्या कमी आहे. वल्लभभाई पटेलांच्या जीवनावर ‘महामानव सरदार पटेल’ ही चरित्रात्मक कादंबरी लिहून दिनकर जोषींनी चारित्र्यांच्या दालनात भर घातली आहे. सुषमा शाळिग्राम यांनी या कादंबरीचा मराठीत अनुवद केला आहे. बेचाळीसाव्या वर्षी राजकारणात आलेल्या वल्लभभाई पटेलांच्या जीवनातला १९४५-१९५० हा कालखंड संघर्षमय होता. कादंबरीत या संघर्षमय कालखंडाचं चित्रण प्राधान्याने करण्यात आलं आहे. समतोलपणे विचार करण्याची शक्ती असूनही अन्य महत्त्वाच्या लोकांच्या दूराग्रहामुळे, एककल्लीपणामुळे सरदारांना इच्छा असूनही स्वतंत्र भारताचं सुनिश्चित आणि चांगलं भविष्य घडवण्यापासून वंचित राहावं लागलं. एकूणच भारतीय स्वातंत्र्य लढ्यात आणि नंतर भारत स्वतंत्र झाल्यावरही सरदारांनी घेतलेले काही निर्णय त्या त्या वेळेच्या परिस्थितीला सकारात्मक कलाटणी देणारे आणि भविष्याच्या दृष्टीने लाभकारक ठरले. उदाहरणार्थ, नौदलांच्या सैनिकांचं शमवलेलं बंड, संस्थानांचं विलीनीकरण, गृहमंत्री पदावरून न हटण्याचा निश्चय अशा त्यांच्या या कार्यकर्तृत्वाबद्दल भारत सरकारनं त्यांच्या मृत्यू नंतर ४१ वर्षांनी त्यांना भारत रत्न देऊन त्यांच्या कार्याची दखल घेतली. उशिरा का होईना त्यांच्या कार्याचं स्मरण भारत सरकारला झालं म्हणून आनंद मानायचा का त्यांच्या कार्याचं महत्त्व इतक्या उशिरा आपल्या राज्यकत्र्यांच्या लक्षात आल्याबद्दल खेद वाटून घ्यायचा हा प्रश्चन आहे. तर सरदारांच्या जीवनाला रूढार्थानं न भिडता त्यांच्या जीवनातल्या महत्त्वाच्या कालखंडाचं प्राधान्यानं चित्रण करणारी ही चरित्रात्मक कादंबरी वाचनीय आणि अभ्यासनीय आहे. या चारित्र्याला कादंबरीचं स्वरूप जरी दिलं असलं; तरी इतिहासाशी प्रामाणिक राहूनच दिनकर जोषींनी लेखन केलं आहे. अभ्यासकांबरोबर सर्व सामान्यांनाही वल्लभभाई पटेलांच्या चारित्र्याच्या निमित्ताने भारतीय इतिहासातल्या एका महत्त्वाच्या कालखंडाविषयी संदर्भात्मक माहिती मिळते. या पुस्तकाची प्रस्तावना त्या दृष्टीने महत्त्वाची ठरावी. सुषमा शाळिग्राम यांनी केलेला उत्तम अनुवाद! ...Read more

Kshitijsparsh
Kshitijsparsh by V. S. Khandekar Rating Star
DAINIK NAVARASHTA - JANUARY 2018

हस्तिदंती छोटा ताजमहाल... मराठी साहित्य क्षेत्रात असे अनेक साहित्यिक होऊन गेले ज्यांच्या लेखणीतून सकार झालेल्या साहित्यकृतींनी मराठी भाषेचे वैभव वाढविले. आपल्या या मराठी भाषेमध्ये शब्दरूपी रत्नांची खाण उधळून देणारे जे अनेक साहित्यिक आहेत त्यात वि. स खांडेकर यांचे नाव आदराने घेतले जाते. ज्ञानपीठ पुरस्कार मिळविणारे खांडेकर हे स्वत: एक मोठे शब्दांचे विद्यापीठ होते असे म्हटले तर वावगे ठरणार नाही. त्यांनी प्रत्येक साहित्य प्रकारात विपूल लेखन केले आहे. वि. स. खांडेकर यांच्या रूपककथांचा ‘क्षितिजस्पर्श’ हा संग्रह नुकताच माझ्या वाचनात आला. एका मोठ्या साहित्यिकाच्या लेखनाची समीक्षा करण्याचा आजच्या लेखाचा हेतू नाही. तर जे जे आपणासी ठावे ते ते इतरांसी सांगावे... इतकाच या लेखाचा हेतू. क्षितिजस्पर्श या पुस्तकात खांडेकर यांच्या पूर्वी विविध ठिकाणी प्रकाशित झालेल्या निवडक ४६ रूपककथांचा समावेश आहे. यातल्या अनेक कथा तर खूप छोट्या-छोट्या आहेत. पण आजही त्या वाचकाला खूप मोठा अर्थ समजावण्याचा प्रयत्न करताना दिसतात. उदाहरणार्थ – खांडेकर यांची दोन प्रवासी की रूपककथा यात दोन प्रवासी अमावस्येच्या रात्री निर्जन मार्गाने चालले आहेत. यात पहिला प्रवासी तरुण आहे तर दुसरा प्रवासी वृद्ध आहे. तरुणाला आशा, स्वप्ने, प्रीती आणि यौवन वेगाने पुढे नेत होती. तो गीत गुणगुणत चालला आहे. तर वृद्ध प्रवासी निराशा, स्वप्नभंग, एकलेपण आणि वार्धक्य यांच्या भाराने वाकून तो ओणवा झाला होता. तो कण्हत इतकी मंद पावले टाकीत होता की, तो पुढे जात आहे की नाही हेच कळत नव्हते. पहिला तरुण एकदम थांबतो आणि मागे वळून म्हणतो की, ‘‘किती सुंदर मार्ग आहे. हा! नाही? जिकडंतिकडं चांदण्याच चांदण्या.’ मागे राहिलेला वृद्ध प्रवासी त्याला उत्तर देताना म्हणतो की, काय भयंकर रस्ता हा. जिथंतिथं काटेकुटें आणि खाचखळगे!’’ इथे ही कथा संपते. याच्यातून तुम्ही काय घ्यायचे आणि काय समजायचे हा निर्णय वाचकावर सोडलेला असतो. आता या कथेमधून निघाणारे अर्थ शोधायचे झाल्यास माणसाच्या दृष्टिकोनातला फरक ही कथा आपल्याला सांगते- हा झाला एक अर्थ. तर दुसरीकडे तारुण्य आणि वार्धक्य यावरही ही कथा भाष्य करते. ऐन उमेदीचा काळ आणि दुसरी मरणासन्न अवस्था जिथे जगण्याचा आधारच उरलेला नाही. कमी पण प्रभावी अशा शब्दांत वि. स. खांडेकर यांच्या रूपककथा आपल्याला खूप काही सांगून जातात. फक्त ते शब्दांच्या पलीकडले समजून घेण्याची वाचकाची वृत्ती हवी. खांडेकर एक उत्कृष्ट लेखक होते याचे दाखले आपल्याला त्यांच्या प्रत्येक साहित्यकृतीतून मिळत राहतात. नदी, चंद्र, इंद्रधनुष्य, सूर्य, समुद्र इत्यादी निसर्गप्रतिमांचे सुंदर वर्णन आणि शब्दांचा अचूक वापर करत एखादा प्रसंग सुंदर पद्धतीने लोकांसमोर मांडणे किंवा उभा करणे ही कला प्रत्येक लेखकाने शिकण्यासारखी आहे. रूपककथांना खांडेकर ‘हस्तिदंती छोटा ताजमहल’ का म्हणत असतील हे या पुस्तकावरून कळते. -साधना दीपक राजवाडकर ...Read more