"द सटन बग" या अॅलिस्टर मॅक्लीन लिखित मूळ इंग्रजी पुस्तकाचा, अशोक पाध्ये यांनी केलेला मराठी अनुवाद. (वाचायला साडे सहा तास लागले, 4 टप्प्यात वाचली .) ... प्रतिबंधक लसी, औषधे तयार करण्याच्या नावाखाली प्रत्यक्षात जैविक अस्त्रे बनवणारी, अत्यंत कडेकोट सरक्षा असलेली सरकारी प्रयोग शाळा. तिकडे अवघ्या अर्ध्या तासात अख्खे शहर बेचिराख करील असा एक विषाणू बनवला जातो. दोन शास्त्रज्ञांचे निर्घृण खून करून ते विषाणू असलेल्या कुप्या पळवल्या जातात. या सगळ्यामागे त्या प्रयोगशाळेतच काम करत असलेल्या एका बुद्धिमान गुन्हेगाराचे डोके असते. हा गुन्हेगाराने तोतयाचे रूप घेवून प्रयोगशाळेत शिरकाव केलेला असतो. आपल्या सहकाऱ्यांना ब्लॅक मेल करून विषाणू कूप्या पळवण्यात तो यशस्वी झालेला असतो. तपास यंत्रणांना बुचकळ्यात पाडण्यासाठी व अधिक वेळ मिळावा म्हणून प्रयोगशाळेतल्या इतर सहकार्यावर संशय जावा अशी चोख व्यवस्था त्याने केलेली असते. पण दुर्दैव अर्पण सुदैवाने त्याची गाठ अत्यंत चलाख अशा नायकाशी पडते. नायक हुशारीने एकेक कोडे सोडवत जातो व शेवटी खलनायका पर्यंत पोचतो. या टप्प्यावर खलनायक हिरोच्या बायकोचे अपहरण करतो ! शहरातल्या सर्व बँकांवर डल्ला मारून एखाद्या अज्ञात ठिकाणी निघून जायचा त्याचा डाव असतो. जर त्याला अडवायचा प्रयत्न झाला तर आपल्याकडील विषाणूंच्या कुप्या फोडून परिसरातली सगळी जीव सृष्टी तो नष्ट करणार असतो ! त्याने स्वतःचा त्या विषाणू पासून बचाव व्हावा म्हणून लस टोचून घेतलेली असते . त्या मूळे तो सेफ असतो ! हीरो आपली बायको वाचवू शकतो का ? विषाणू असलेल्या कुप्या ताब्यात घेवु शकतो का ? खलनायकाचा हेतू साध्य होतो का ? शहराचा विनाश टळतो का ? या सर्व प्रश्नांची उत्तरे मिळण्यासाठी ही कादंबरी वाचायलाच हवी ! वाचणाऱ्याला खिळवून ठेवण्याची ताकद या कादंबरीत आहे ! अशोक पाध्ये यांनी अनुवाद सुद्धा अगदी ओघवता केला आहे. ...Read more

"कोरोना" विषाणु जगभर थैमान घालत आहे आणि त्यावर उपाय म्हणजे सार्वजनिक संपर्क व संसर्ग टाळणे. सन 1962 साली लिहलेली ॲलिस्टर मॅक्लिन या लेखकाची "सटन बग" ही कादंबरी (अनुवाद : अशोक पाध्ये, मेहता प्रकाशन) जणू कोरोना विषाणुंमूळे उद्भवलेली परिस्थितीच दाखवत आे. अत्यंत चित्तथरारक घटना. रहस्यमय, वेगवान व उत्कंठावर्धक कथानक. श्री. अशोक पाध्ये यांचा उत्तम अनुवाद. ही कादंबरी वाचली नसेल जरूर वाचा. वाचली असेल तर पुन्हा तो थरार कोरोनाच्या पार्श्वभूमीवर अनुभवा. ...Read more

तुम्ही अनुवादित केलेले अ‍ॅलिस्टर मॅक्लीनचे `द सटन बग` हे पुस्तक अफलातूनच आहे. खरेच, अ‍ॅलिस्टर मॅक्लीनच्या पुस्तकात एकाच नायकाकडून बलाढ्य शत्रूचा कणा मोडून काढला जात असला तरी ते हिंदी चित्रपटांसारखे नीरस वाटत नाही. तुम्ही सटन बगच्या प्रस्तावनेत केलेल्ा भारतीय वाचकांवरील टिप्पणीमुळे मी व्यथित झालो. अ‍ॅलिस्टर मॅक्लीनच्या पुस्तकात अथपासून इतिपर्यंत रोमांच भरलेला असतो. ...Read more