* Front & back cover images are for illustration purposes only and the price of book is sold separately.
  • Availability : Available
  • ISBN : 9788184981612
  • Edition : 4
  • Publishing Year : NOVEMBER 2008
  • Weight : 0.00 gms
  • Pages : 262
  • Language : MARATHI
  • Category : LITERATURE
  • Available in Combos :VISHWAS PATIL COMBO SET - 10 BOOKS
Quantity
Buying Options:
  • Ebooks:
  • Print Books:
THIS IS A VERY CREATIVE FORM OF LITERATURE HANDLED VERY CONFIDENTLY BY VISHWAS PATIL. HE HAS ATTEMPTED TO CAPTURE THE CLASS ONE PIECES OF ART, BOTH IN THE WORLD OF PAINTS AND WORDS. HE HAS TRIED TO INTERROGATE THE HOLLYWOOD AND THE BOLLYWOOD THOROUGHLY. WHILE DOING SO VERY BRAVELY AND BOLDLY HE HAS ATTEMPTED TO WALK OVER THE ROUTES OF ITALIAN, FRENCH, BRITISH LANDS. IN THIS WONDERFUL BOOK ALL THE BIG BUDDIES HAVE COME TO MEET YOU. THEY ARE FROM ALL OVER THE WORLD. MOST OF THE UNIVERSALLY FAMOUS PERSONALITIES LIKE SHAKESPEARE, TOLSTOY, JOHN FORD, DOSTOEVSKY, GARBO, SOPHIA LAWRENCE, THOMAS HARDY, SHARATCHANDRA, DAVID LEAN, MARLENE BRANDO, STANLEY KUBRICK, ROMAN POLANSKI, CHARLIE CHAPLIN, STEVEN SPIELBERG, MEHBOOB KHAN, KOPOLA, MADHUBALA, K. ASIF, INGRID BERGMAN, V. SHANTARAM ARE VISITING US THROUGH THIS BOOK.
वाऱ्यासोबत न वाहून गेलेली आणि वाऱ्यावर स्वार झालेली जगातील अव्वल चित्रशिल्पे आणि शब्दशिल्पे!हॉलीवूड-बॉलीवूडच्या अंतर्बाह्य दृष्टीक्षेपासह इटालियन, फ्रेंच , ब्रिटिश अशा अनेक अभिनव चाकोऱ्यांचा, विश्वास पाटील यांनी घेतलेला अभ्यासपूर्ण ललित धांडोळा.शेक्सपिअर, टॉलस्टॉय, जॉन फोर्ड, दोस्तायव्हस्की, गार्बो, सोफिया लॉरेन, थॉमस हार्डी, शरत्चंद्र, डेव्हिड लीन, मार्लन ब्रँडो, स्टॅन्ले क्युब्रिक, रोमन पोलन्स्की, चार्ली चॅप्लीन, स्टीव्हन स्पीलबर्ग, मेहबूब खान, कोपोला, मधुबाला, के. असिफ, इनग्रिड बर्गमन, व्ही. शांताराम असे अवघ्या विश्वाचे अनेक सगेसोयरे या शब्दांगणात तुमच्याशी हृद्गत करतील!
* कै.रा.तु.पाटील साहित्य पुरस्कार २००८ * आपटे वाचनमंदिर आणि इचलकरंजी साहित्य संमेलन स्मृती ट्रस्टतर्फे २००८ सालचा `विशेष लक्षणीय गद्य साहित्यकृती` पुरस्कार * महाराष्ट्र राज्य पुरस्कार-वि.द.घाटे पुरस्कार-२००८-२००९
Video not available
No Records Found
No Records Found
Keywords
#28TH NOV #SAMBHAJI(1.SAHAKAR MAHARSHI SHANKARRAO MOHITE PATIL PURSKAR 2005 2.KAVI MADHAV PURSKAR 2006 3.AKSHARGANDH PURSKAR 2006 ) #NOT GONE WITH THE WIND #BANDA RUPAYA #KRANTISURYA #NAGKESHAR #संभाजी(१.सहकार महर्षी शंकरराव मोहिते पाटील २.कवी माधव पुरस्कार २००६ ३.अक्षरगंध पुरस्कार २००६) #नॉट गॉन विथ द विंड #बंदा रुपया #क्रांतिसूर्य #नागकेशर
Customer Reviews
  • Rating Starनमिता नितीन आफळे

    एखाद्या लेखकाच्या लिखाणाचा कॅलिडोस्कोप कसा असावा, याचं मूर्तिमंत उदाहरण म्हणजे विश्वास पाटील @⁨Vishwas Patil⁩ !!! प्रस्तुत पुस्तकानं जेव्हा एका प्रदर्शनात माझ्या मनावर गारूड केलं तेव्हा खरंच प्रांजळ कबुली देते, फोटो आणि परिचय वाचेपर्यंत मला हे कोणीसमान नावाचे वेगळेच लेखक आहेत असं वाटलं होतं. (@⁨Vishwas Patil⁩ विश्वासदादा, मी तुमची माफी मागते यासाठी !!) 🎬 कट १ 🎬 चित्रपट हे प्रामुख्यानं मनोरंजनाचं साधन म्हणून ओळखले जातात. पण चित्रपट हे एखादी वाचलेली कादंबरी किंवा बघितलेलं नाटक या मूळ कलाकृतीवर आधारित असं माध्यमांतर केलेलं आविष्कारित रूप आहे, हे तितकंच खरं आहे. पण माध्यमात झालेल्या बदलामुळे कधी मूळ छापील पुस्तकावर इतके छान संस्कार किंवा बदल होतात की वाटावं, प्रत्यक्षाहून प्रतिमा उत्कट !!! याउलट काही पुस्तकं वाचण्याचा आनंद माध्यमांतर झाल्यानंतरचं रूप पाहण्याहूनही कैक अधिक वाटतो. ललित कलेच्या रसग्रहणाच्या किंवा रसास्वादाच्या शिक्षणाला (हो, हेही शिकवलं जातं !!) आत्तापर्यंत तरी फार गांभीर्यानं घेतलं जात नसे त्यामुळेच जणू काही ते "आपोआपच येतं" असा गैरसमज होता. पण कोणत्याही कलाकृतीनं इतिहास घडवण्याआधी ती बऱ्याच मोठ्या भौगोलिक आणि ऐतिहासिक घटनांना सामोरी गेलेली असते. अशाच काही वैशिष्टय़पूर्ण अशा पुस्तक, चित्रपट, नाटकांचा एक अतिशय वाचनीय आणि माहितीपूर्ण खजिना म्हणजे हे पुस्तक. यात समान वर्गातल्या किंवा आधारित अशा वर्गतल्या परदेशी आणि भारतीय कलाकृतींची Facts and Figures पण कुठेही रंजकतेचा भडकपणा न होता माहिती दिली आहे. 🎬 कट २ 🎬 Gone with the Wind ची Margaret Michelle, Fyodor Dostoevsky, Ben Kingsley, Shakespeare चा Othello आणि आपले "झुंझारराव" तसंच "ओमकारा" किती एक से बढ़कर एक उदाहरणं घेऊन लिहिलंय, की हे पुस्तक कमालीचं झालंय. 🎬 कट ३ 🎬 विश्वासदादांनी कुठेही लिखाणाचा crisp किंवा रोचकता सोडलेली नाही. त्यामुळेच हे पुस्तक मी जेव्हा जेव्हा वाचते, मला एखादा भव्यदिव्य चित्रपट किंवा खुल्या सभागृहात चाललेला नाट्यप्रयोगच वाटतो. 🎬 कट ४ 🎬 यातला माझा सगळ्यात आवडता भाग आहे "चार्ली : द ग्रेट लाफ्टर डिक्टेटर." त्याचा पहिलाच परिच्छेद - "जेव्हा हिटलरसारखा महाभयंकर हुकूमशहा निम्म्या जगाच्या छाताडावर ऐसपैस बसला होता, उर्वरित विश्वालासुद्धा तो वाकुल्या दाखवू लागला होता, फ्रान्स, इंग्लंड आणि अमेरिकेसारख्या मित्रराष्ट्रांनी आपल्या तोफा हिटलर किंवा जर्मनीकडे वळवण्याचा विचारही केला नव्हता, एवढेच नव्हे तर पुढे सन १९४१ पर्यंत महायुद्धाला प्रारंभ होऊन दोन-अडीच वर्षे उलटल्यावरही अमेरिकेसारख्या बलदंड राष्ट्राने हिटलरची कळ काढायचे धाडस दाखवले नव्हते, तेव्हाची गोष्ट. मात्र काळाचा विलक्षण महिमा असा की, दुसऱ्या महायुद्धाची ठिणगी पडण्यापूर्वीच हिटलर हे मानवजातीवरचे संकट आहे, याचा साक्षात्कार होऊन, एका कलावंताच्या मेंदूत हिटलरचे विडंबन करावयाचे बीजारोपण आधी झाले होते. त्या मानवतावादी जगप्रिय कलावंताचे नाव चार्ली चॅपलिन!" 🎬 कट ५ 🎬 "दर्यावर स्वारी - माॅबी डीक ते एम.टी. आयवा मारू" हेही असंच भन्नाट प्रकरण आहे. त्यात लेखक अनंत सामंत यांच्याबद्दल लिहिलेली माहिती, सगळंच भारी. 🎬 कट ६ 🎬 चित्रपट नाटक ही माध्यमं रूढार्थानं मनोरंजनात्मक मानली गेली असली तरी त्यामागे असणारं visualization, कित्येक कलांचा (यात कलादिग्दर्शन, कपडेपट, अगदी सगळ्या unit च्या पाळ्या सांभाळून चवी सांभाळणारा खानसामा, नुसती रंगरंगोटी नसणारी underestimated art of make-up designing हे सारेच) आणि सगळ्यात महत्त्वाचं म्हणजे त्यातनं होणारी आर्थिक उलाढाल बघता it is a serious thing which one needs to take seriously !!! लेखकांच्याच भाषेत मी सांगू शकते..... "वाऱ्यासोबत न वाहून गेलेली आणि वाऱ्यावर स्वार झालेली जगातील अव्वल चित्रशिल्पे आणि शब्दशिल्पे ! हॉलीवूड-बॉलीवूडच्या अंतर्बाह्य दृष्टीक्षेपासह इटालियन, फ्रेंच, ब्रिटिश अशा अनेक अभिनव चाकोऱ्यांचा, विश्वास पाटील यांनी घेतलेला अभ्यासपूर्ण ललित धांडोळा." विश्वासदादा, "माणसं माझी : विठा ते विल्यम शेक्सपिअर" वाचल्यावर अशीच मी भारून जाईन !!! या छापील कलाकृतीसाठी मनापासून धन्यवाद. ता. क. - चंद्रमोहन कुलकर्णींची पुस्तकाला दिलेली जोड अक्षरशः अजोड आहे आणि असं हे राजेशाही पुस्तक छापल्याबद्दल प्रकाशक आदरणीय सुनीलदादा मेहता आणि मेहता पब्लिशिंग हाऊसला मनापासून धन्यवाद !!! ...Read more

  • Rating StarAjinkya Kulkarni

    हाॅलीवुडच्या `आर्ट फिल्म` १९४२ पासुनच्या पहायची सवय असेल आणि जागतिक साहित्य वाचलेले असेल तर प्रचंड आनंद देतं हे पुस्तक.

  • Rating StarMadhavi Kulkarni

    अतिशय माहितीपूर्ण व वाचनीय.

  • Rating Starकिरण माने

    अतिशय कल्पक आणि ओघवत्या भाषेत जगभरातील सुंदर सिनेमे आणि पुस्तकांचा अतिशय छान आढावा घेतलाय.

  • Read more reviews
Write Your Own Review
  • Default typing language is Marathi. To type in English press Ctrl+G key combination
Submit Review
PLEASE SEND YOUR AUDIO REVIEW ON editorial@mehtapublishinghouse.com

Related Books

People Who Bought This Item Also Bought

Latest Reviews

SARTH
SARTH by DR. S. L. BHYRAPPA Rating Star
हेमंत सांबरे

गेल्या तीन दिवसांत ही कादंबरी वाचून पूर्ण झाली .. ही कादंबरी वाचून होताच मन अगदी सुन्न होऊन गेले आहे . त्याचबरोबर अनेक संमिश्र भावना मनात दाटून आल्या आहेत . #आवरण ही जगप्रसिद्ध कादंबरी वाचल्यानंतर भैरप्पा यांच्या बद्दल मनात खूप आदरभाव निर्माण झाला होा . त्यानंतर त्यांचे हे दुसरे पुस्तक म्हणजे #सार्थ आज वाचून पूर्ण केले. या कादंबरीची कथा सातव्या शतकात घडत असते . *नागभट्ट* हा कादंबरीचा नायक आहे . हा नागभट्ट तुमच्या माझ्या सारखा एक सर्वसामान्य मनुष्य आहे . भैरप्पा यांनी त्याच्या नजरेतून त्या काळात घडत असलेल्या अनेक घटनांचा सूक्ष्म आढावा आपल्या समोर अतिशय समर्थपणे मांडला आहे . हे सातवे शतक म्हणजे असे होते की वैदिक धर्माचा प्रभाव जरी जनमानसात असला तरी , बौद्ध धर्माने ही आपली पाळेमुळे पूर्ण निदान उत्तर भारत , पूर्व भारत या भागात पसरवली होती . एक सामान्य मनुष्य म्हणून नागभट्टच्या मनात सुरू असलेली विविध द्वंद , त्याची वैदिक धर्म की बौद्ध धर्म याविषयी झालेली द्विधा मनस्थिती ही लेखकाने अचूक टिपली आहे . अनेक चर्चांमधून बौद्ध तत्त्वज्ञान , वैदिक तत्त्वज्ञान यांची ओळख अतिशय सोप्या भाषेत लेखक आपल्याला करून देतात , ते वाचताना आपल्या चित्ताला एक वेगळेच समाधान मिळत राहते .. या सर्व तत्त्वज्ञानाची प्रदीर्घ चर्चा , नायकाला येत असलेले वेगवेगळे अनुभव यातून आपणही समृध्द होत जातो . मधल्या काळात नायक मथुरेला येऊन राहतो . तेव्हा तिथल्या एका नाटक मंडळींबरोबर ओळख होऊन नायकाला त्यांच्या एका नाटकात प्रत्यक्ष *कृष्णाची* भूमिका करायला मिळते . तेव्हा त्याचे नाव *कृष्णानंद* असे होते . या भूमिकेमुळे नायकाला त्या भागात प्रचंड प्रसिध्दी मिळते . या नाटकातील असलेली त्याची नायिका चंद्रिका या सुंदर स्त्री बरोबर त्याचा विशेष स्नेह होऊन त्यांचे प्रेम ही जुळते . एखादी गोष्टीचा प्रचंड अभ्यास करून त्याला मांडणे यात भैरप्पा यांचा हात कदाचित फार कमी लेखक धरू शकतील . ही कादंबरी वाचतानाही प्रत्यही जाणवत राहते . याच काळात आद्य शंकराचार्य व मंडणमिश्र यांच्यातील झालेल्या जगप्रसिद्ध वादावर दोन ते तीन प्रकरणे या पुस्तकात आली आहे . या दोन दिग्गज वैदिक ऋषी बद्दल मी इतर अनेक ठिकाणी खूप ओझरते उल्लेख ऐकले होते , पण या कादंबरीत विस्तृत माहिती मिळाली , व एक वेगळेच समाधान मिळाले . कादंबरीचा शेवट आपल्याला पुस्तकातील आधीच्या अनेक कथावस्तू पासून एका वेगळ्याच दुनियेत घेऊन जातो .. याच सातव्या शतकात वायव्येकडून अरब लोकांची आक्रमणे सुरू झाली होती . तोपर्यंत भारतवर्षात लढली जाणारी युद्ध फक्त रणांगणावर लढली जात , त्याचा सामान्य जनतेला कुठलाही त्रास होत नसे . पण अरबांनी केलेल्या आक्रमण मुळे भारताचा सांस्कृतिक ढाचा कसा उद्ध्वस्त होऊ लागला याचे अचूक व सत्य वर्णन भैरप्पा यांनी केले आहे . ते वाचताना तेव्हाही हिंदूंची सद्गुण विकृती ( अनावश्यक असलेली अती सहिष्णुता ) कशा प्रकारे हिंदूंचा नाश करते हे ही त्यांनी सांगितले आहे . ती सर्व शेवटची प्रकरणे आपण सर्व हिंदूंनी मुळातच वाचण्यासारखी व अभ्यास करण्यासारखी आहे . एका प्रसंगात जेव्हा काही राजे एकत्र येऊन अरबांवर आक्रमण करण्याचे योजतात , तेव्हा धूर्त अरब त्या गावातील सूर्यमंदीर भ्रष्ट करायची धमकी देऊन त्या गावातील लोकांना युद्ध करण्यापासून व बाहेरून आलेल्या सैनिकांना सहाय्य न करण्याचे वचन घेतात . त्यामुळे जे नको तेच होते , व हळूहळू तो प्रदेश अरबांच्या ताब्यात जाऊन तेथला बौद्ध , वैदिक हिंदू धर्म नष्ट होऊ लागतो , याचे विदारक वर्णन आपल्यासमोर येते . हे वाचताना मला १७५१ साली नानासाहेब पेशव्यांनी काशी वर आक्रमण करून ते क्षेत्र मुक्त करण्याच्या प्रसंगाची आठवण झाली . तेव्हाही काशी मधील जनतेने नानासाहेब पेशव्यांना रोखले होते , नाहीतर तेव्हाचा ज्ञानवापी मंदीर मुक्त झाले असते ... तेव्हाही हिंदूंची सद्गुण विकृती आड आली जशी ती सातव्या शतकात ही आड आली होती .. असो --- अनेक अद्भुत प्रसंगातून आपल्याला ही कादंबरी घेऊन जात राहते ..सातव्या शतकातील भारताचे वर्णन वाचून आपण त्यावेळच्या राजांची वृत्ती , जनतेचा स्वभाव , साधू तसेच बौद्ध भिक्खू यांचे स्वभाव, त्यांचे विचार आपल्याला कळत जातात . लेखक आपल्याला नालंदा विद्यापीठ देखील दाखवून आणतो . त्याकाळात तेथील अध्ययन कसे चालत असे , हेदेखील आपल्याला वाचायला मिळते . पुस्तकाला कादंबरीची मोकळीक असली तरी आपल्याला ऐतिहासिक दृष्टिकोन ही मिळतो , हे नक्की ! ही कादंबरी वाचून होताच, भैरप्पा यांच्या इतर सर्व कादंबऱ्या व पुस्तके वाचण्याची उत्सुकता निर्माण झाली आहे , व ती इच्छा ही लवकरच पूर्ण होईल ही आशा! ...Read more