DR.SANJAY DHOLE

About Author

Birth Date : 06/11/1965

पुणे विद्यापीठातून भौतिकशास्त्र विषयात पीएच.डी. व सध्या विद्यापीठाच्याच भौतिकशास्त्र विभागात प्राध्यापक म्हणून कार्यरत. न्यूक्लिअर, प्रवेगक, किरण, स्मृतिपटले, अर्धवाहक पदार्थ, निर्वाहक पदार्थ, स्फटिके यांसारख्या भौतिकशास्त्रातील उपशाखांमधून संशोधन सुरू. संशोधनानिमित्त विविध देशांमध्ये वास्तव्य व तेथील नामवंत संशोधन संस्थांशी आणि विद्यापीठांशी देवाण-घेवाण. पीएच.डी. (१९) व एम. फिल. (११)च्या विद्याथ्र्यांना मार्गदर्शन; शिवाय आठ विद्यार्थी पीएच.डी.साठी कार्यरत. तसेच विविध राष्ट्रीय व आंतरराष्ट्रीय नियतकालिकांमधून १०० हून अधिक संशोधनपेपर प्रकाशित. शैक्षणिक पुस्तकातही लेखन सहभाग. सध्या इंडियन फिजिक्स असोसिएशन (पुणे चॅप्टर)चे अध्यक्ष. जनसामान्यांमध्ये विज्ञानाचा प्रसार करण्यासाठी विविध वर्तमानपत्रे, नियतकालिकांमधून २०० शास्त्रीय लेख प्रसिद्ध. तसेच आकाशवाणीवरून नाते निसर्गाशी व अणूपासून ताऱ्यापर्यंत या मालिकेअंतर्गत शास्त्रीय श्रुतिका व नभोनाट्य प्रसारित. शैक्षणिक संस्था व महाविद्यालयांमध्ये शास्त्रावरील व्याख्याने. विविध वर्तमानपत्रे आणि दिवाळी अंकांमधून ९०हून अधिक विज्ञानकथांचे लेखन. प्रतिशोध व प्रेमाचा रेणू आणि अश्मजीव नावाचे विज्ञानकथासंग्रह प्रसिद्ध. मराठीतील विज्ञानकथा, दरवळ, मोहर, यांनी घडवलं सहस्रक यांसारख्या संपादित प्रकाशनात सहभाग. अंतराळातील मृत्यू या विज्ञानकथेचा पुणे विद्यापीठांतर्गत येणाऱ्या महाविद्यालयीन अभ्यासक्रमात समावेश, प्रेमाचा रेणू या विज्ञानकथा संग्रहाचा पुणे विद्यापीठाअंतर्गत येणाऱ्या एम.ए.च्या अभ्यासक्रमात (शैक्षणिक स्वायत्तता) समावेश. सोन्याची खाण या विज्ञानकथेस अखिल भारतीय बाल-कुमार साहित्य संमेलनातर्फे दिला जाणारा गोपीनाथ तळवलकर उत्कृष्ट कथा पुरस्कार (२००५), र. धों. कर्वे, ललित विज्ञान वाङ्मयीन पुरस्कार प्रेमाचा रेणू या विज्ञान कथासंग्रहास (२००८). महाराष्ट्र सेवा संघ, मुलुंड संचालित न. चिं. केळकर ग्रंथालयाचा साहित्य साधना पुरस्कार प्रेमाचा रेणू या विज्ञानकथा संग्रहास (२०१०). अश्मजीव या विज्ञानकथा संग्रहास संत तुकडोजी महाराज ललित विज्ञान वाङ्मय पुरस्कार, (२०११). मराठीतून विज्ञान प्रसारासाठी इंडियन फिजिक्स असोसिएशनतर्फे मो. वा. चिपळोणकर पुरस्कार (२०१३). महाराष्ट्र साहित्य परिषद, पुणेतर्फे विज्ञानविषयक लेखनासाठी गो. आ. परांजपे विशेष ग्रंथकार पुरस्कार, (२०१५).
Sort by
Show per page
Items 1 to 1 of 1 total
DIMBHAK Rating Star
Add To Cart INR 195

Latest Reviews

VADALFUL
VADALFUL by REI KIMURA Rating Star
DAINIK TARUN BHARAT 10-02-2019

एका राजकन्येची अचंबित करणारी कहाणी... रेई किमुरा हे नाव अपरिचित नाही. किमुरांच्या कादंबऱ्या अतिशय वाचकप्रिय आहे. The Princess and The Spy मेहता प्रकाशनाने ‘वादळफूल’ या शीर्षकाने वाचकांसाठी आणले आहे. अतिशय आकर्षक मुखपृष्ठ आणि अगदी नेमका ब्लर्ब यासह. मांचुरिया हा विस्मृत चीनचा एक भाग. इथेही राजेशाही होती. वजकुमार स्यू काय किंवा चिनी सम्राट काय सगळे एका माळेचे मणी होते. ‘दी किंग कॅन डू नो राँग’ मानणारे. जनतेची पर्वा नसणारे. उपभोगात रमलेले, कोणाच्या जनान्यात किती भोगस्त्रिया आहेत, यावर मोठेपणा मानणारे, एकप्रकारे सत्तेच्या, भोगाच्या, सुखलोलुपतेच्या कैफात असलेले, मांचुरियाचे राजकुमार स्यू त्याच परंपरेतले. स्यूंच्या एका ‘जनानी’ची बंडखोर, मनस्वी, संस्कारशून्य मुलगी म्हणजे आयसिन सिओरो. ही सुधारणेच्या पलीकडे आहे हे जाणून राजकुमार स्यू त्यांच्या सावत्र भावाला ही कन्या दत्तक देतो. तिची जपानमध्ये पाठवणी करतो. ‘योशिको कावाशिमा’ या नावाने इथून पुढे ती ओळखली जाते. तिची आत्मकथनात्मक कादंबरी म्हणजे ‘वादळफूल’. Know thy self ही आज्ञा ती पाळते. ती स्वत:ला पूर्ण ओळखते. साहसी, संकटांनी भरलेले दुहेरी आयुष्य जगणारी. एक निरुपयोगी मुलगी असा वडिलांनी शिक्का मारलेली, खेद-खंत नसलेली, वडिलांवरही हेरगिरी करणारी, मुलांसारखा पोशाख करणारी, अन्नावर तुटून पडणारी, स्त्री-पुरुष संबंध याबद्दल लहान वयात जाण आलेली, त्यात कसलेही पाप न मानणारी, स्वयंकेद्रित, टीकेची पर्वा न करणारी, देहसुख घेण्यात कसलाही टॅबू न मानणारी, मिलिटरी ऑफिसर यमागासह सातआठ मित्र असलेली, अनेकांशी निकटचे संबंध असले तरी एक सैल व स्वैर आयुष्य जगणारी मुलगी. वासंती घोसपूरकर यांनी हा अनुवाद एवढा चांगला केला आहे, की हा अनुवाद वाटत नाही. आपण मराठीतून रेई किमुरा यांनी कादंबरी लिहिली व मेहता प्रकाशनाने ती प्रसिद्ध केली याचे समाधान देणारा हा छान अनुवाद आहे. ज्यांना दुसऱ्या महायुद्धात, त्यातल्या जपानी सहभागात व गुन्हेगारी विश्वात रस आहे. त्यानी ‘वादळफूल’ वाचायलाच हवे, एवढ्या तोलामोलाचे हे पुस्तक आहे. –अनंत मनोहर ...Read more

ADAM
ADAM by RATNAKAR MATKARI Rating Star
DAINIK TARUN BHARAT 10-02-2019

रत्नाकर मतकरी शोध घेत आहेत. माणसांमधील आदिम प्रवृत्तीचा! ‘अ‍ॅड्म आणि इव्ह’ यांच्या न संपणाऱ्या गोष्टींचा. काळानुसार कथानकात बदल होत असला तरी प्रवृत्ती तीच आहे. स्त्रीचा नेमका कोणता गुण पुरुषांना आकर्षित करतो, ज्यासाठी ते शरणागती पत्करतात?... स्त्रीच्ा देहाचं आकर्षण, तिच्या विषयी वाटणारी वैषयीक भावना, तिच्यामधले कला गुण की तिची बुद्धिमत्ता? आपल्या ‘अ‍ॅड्म’ या कादंबरीत मराठीतील नामांकित साहित्यिक रत्नाकर मतकरी यांनी या नाजूक विषयावर कुठेही बीभत्स न होता भाष्य केले आहे. ‘अ‍ॅड्म’ या कादंबरीचा नायक वरदाचा हा जीवनप्रवास! निव्वळ लैंगिक भावनांचा विचार केला, तर सुरुवातीचा प्रवास तरी बहुसंख्य पुरुषांचा सारखाच असतो. मुख्य म्हणजे लहानपणी स्त्री देहाविषयी वाटणारं कुतूहल काहीच्या बाबतीत मात्र पौंगंडावस्थेतच असमाधानी स्त्रीकडून वापरलं जाणं नशीबात असता. वरदाच्या बाबतीत नेमकं हेच घडलं. उमलत्या वयात त्याला उफाड्याच्या नवनीतमचे आकर्षण वाटते. ही ओढ अतिशय नैसर्गिक आहे. नवीनतम तिशीची आहे. तिचे लग्न झालेले आहे. तिचा नवरा म्हातारा आहे. ती वरदाकडे घरकामाला असून कामक्रीडेत प्रवीण आहे. ती वरदाला प्रतिसाद देते आणि या खेळाचे शिक्षण देखील. वरदा तिला लग्न करशील का असे विचारतो तेव्हा ती उत्तर देते. ‘कामवालीशी कोणी लग्न करतात का?’ एकुणच अतृप्त स्त्रीच्या कामुकतेचे आणि ती पुरी करण्याकरता साधलेल्या संधीचे वास्तव चित्रण अ‍ॅड्म या कादंबरीत रत्नाकर मतकरींनी केले आहे. एका वेगळ्या आणि महत्त्वाच्या विषयावरील ही कादंबरी मराठी साहित्य विश्वात एक नवा प्रवाह निर्माण करते आहे, हे निश्चित! – डी. व्ही. कुलकर्णी ...Read more