SCHOLAR, AUTHOR, FORMER EDITOR AND MINISTER, ARUN SHOURIE IS ONE OF THE MOST PROMINENT VOICES IN OUR COUNTRYS PUBLIC LIFE AND DISCOURSE. HE HAS WRITTEN OVER TWENTY-FIVE BESTSELLING BOOKS.

जालंधर येथे सुप्रतिष्ठीत शौरी कुटुंबात जन्मलेले अरुण शौरी हे बुद्धीवादी पत्रकार, राजकारणी व लेखक म्हणून जगभर प्रसिद्ध आहेत. १९६८ ते ७२ आणि १९७५ ते ७७ या काळात वर्ल्ड बँकेवर अर्थतज्ज्ञ म्हणून त्यांनी काम केले. १९९८ ते २००४ या कालावधीत प्लॅनिंग कमिशनचे सल्लागार, इंडियन एक्सप्रेस आणि टाइम्स ऑफ इंडिया या वृत्तपत्रांचे संपादक म्हणून कार्यरत होते. तसेच केंद्रीय मंत्री म्हणूनही त्यांनी जबाबदारी सांभाळली आहे. सरकार दरबारी शिपायांपासून उच्चपदस्थांपर्यंत चालत असलेले भ्रष्टाचार, वॉटरगेट अशी प्रकरणं, इंडियन एक्सप्रेस मधल्या लेखमालांमधून उघडकीस आणल्यामुळे ते प्रसिद्धीच्या झोतात आले. इंटरनॅशनल प्रेस इन्स्टिटयूटने ज्यांच्या कृतीमुळे स्वातंत्र्याचे रक्षण झाले अशा वर्ल्ड प्रेस फ्रीडम हिरोजपैकी एक म्हणून गौरवले आहे. बिझिनेस वीकने स्टार ऑफ एशिया म्हणून; दि इकॉनॉमिक टाइम्स ने खाजगीकरणावरील कामामुळे बिझिनेस लीडर ऑफ दि इयर म्हणून गौरवले आहे. भारतीय कंपन्यांच्या प्रमुखांनी श्री अटल बिहारी वाजपेयी सरकारमधील सर्वांत उल्लेखनीय मंत्री म्हणून गौरवले आहे. मॅगसेसे अवॉर्ड, दादाभाई नौरोजी अवॉर्ड, अ‍ॅस्टर अवॉर्ड, इंटरनॅशनल एडिटर ऑफ दि इअर, पद्मभूषण या व अशा अनेक सन्मानांनी विभूषित, अरुण शौरी हे भारतातील अतिशय प्रसिद्ध असे वर्तमान आणि राजकीय घडामोडींवरील भाष्यकार आहेत. राष्ट्रीय लोकशाही आघाडी मंत्रिमंडळात त्यांनी दळणवळण, माहिती-तंत्रज्ञान व निर्गुतवणूक अशी अनेक महत्त्वाची खाती सांभाळली. हे त्यांचे एकविसावे पुस्तक.